Mwandishi wa kitabu hiki ni Elizabeth Godwin Mahenge. Yeye ni mzaliwa wa mkoa wa Tanga, Wilaya ya Handeni (wakati huo ikijulikana kama Songe). Alizaliwa mwaka 1978. Alisoma Shule ya Msingi Chanika iliyopo Wilayani Handeni. Elimu ya sekondari aliipata katika Shule ya Sekondari Handeni iliyopo Handeni. Elimu ya sekondari ya juu aliipata katika Shule ya Sekondari Mawenzi iliyopo wilayani Moshi mkoani Kilimanjaro. Shahada ya kwanza na ya pili ameipata katika Chuo Kikuu cha Dar es Salaam nchini Tanzania. Shahada ya kwanza alisomea B.A (Education) Kiswahili and Fine, Performing Art; na shahada ya pili ilikuwa M.A Linguistics. Kwa sasa ni mwanafunzi wa shahada ya uzamivu katika Taasisi ya Taaluma za Kiswahili akizamia katika mada ya 'FASIHI YA KISWAHILI NA ULEMAVU'.